Museveni kugambira eihanga eriizooba.
Purezidenti Museveni amanyise eihanga ahi enshonga y’amabaati ga Karamoja n’eki gavumenti erakorere abagambirweho boona omu nshonga egi.
Museveni kugambira eihanga eriizooba.
By NewVision Reporter
Journalists @NewVision
N’ebya Ivan Tsebeni
Purezidenti Yoweri Museveni naija kugambira eihanga eriizooba.
Okugamba kwa Purezidenti nikwija kuba kuri busimba aha mukula yoona eya Vision Group kandi nikwija kuba aha kishaayi kya Kololo omuri Kampala.
Zimwe aha nshonga ezi Purezidenti arikuteekareekwa kugabaho eriizooba harimu eby’entaasya, eibanja rya Uganda eririkweyongyera, emishoro, embeera y’enguuto, eby’okwerinda n’eby’amagara.
Okurugiirira ahari Purezidenti w’ekigombe ekya FDC Patrick Amuriat Oboi, Purezidenti Museveni ashemereire kugamba aha eibura ry’emirimo eririkweyongyera.
Omu kugambaho n’abanyamakuru omuri Kampala, Amurit agizire ngu Purezidenti ashemereire n’okugamba aha ku gavumenti eriyo netaho oburyo bw’okukyendeza aha nshohoza.
Afe3a834 45df 4008 A1c5 Af59506dd8c5
Ekigombe ekya DP kyo nikyenda Purezidenti Museveni amanyise eihanga ahi enshonga y’amabaati ga Karamoja yahika n’eki gavumenti erakorere abagambirweho boona omu nshonga egi.
Arikugambaho n’abanyamakuru nyomwebazyo, Ismail Kiirya, ow’ekigombe ekya Uganda Young Democrats (UYD) naagira ngu ekiganiiro kya Purezidenti kishemereire kurugamu ebijuma birungi.
#’WestUpdates