Kansara omuri Mukono afiire yaheza kurahira, abatuura baine okucuramirirwa.
Ba kansara abamwe nibagira ngu Kittata atwire aine amagara marungi beitu akatandika kubura kwehuriragye ah’eizooba ry’okubarahiza.
Henry Kittata Naggwano (NRM) nagambwa kuba ahikire aha mukoro gw’okurahira ataine maani kandi aikiriziibwe kurahirira omu motoka ye. PHOTOs by Yiga Eric.
N’ebya Yiga Eric
MUKONO
Okucuramirirwa n’ekyekango bishwekire egomborora eya Nakisunga omu disiturikiti eya Mukono bwanyima y’okufa kwa kansara omu shaaha nkye yaheza kurahizibwa.
Henry Kittata Naggwano (NRM) kansara w’egomborora eya Katente nagambwa kuba ahikire aha mukoro gw’okurahira ogubaire aha mbuga nkuru z’egomborora eya Nakisunga ataine maani kandi aikiriziibwe kurahirira omu motoka ye.
Embeera eyeyongiire kuba mbi ahonaho yaheza kurahira ekigyemeseriize bataahi be okumwirukangiza ah’eirwariro okutunga okuragurirwa. Eky’omugisha omubi, afiire yaheza kuhikibwa ah’eirwariro erya Herona.
Ba kansara abamwe nibagira ngu Kittata atwire aine amagara marungi beitu akatandika kubura kwehuriragye ah’eizooba ry’okubarahiza.
Ogu ni kansara wa kabiri ow’egomborora eya Nakisunga arikufa kuruga akaruuru ka boona kaheza kuteerwa.
Charles Kiyimba ondaijo kansara owabaire atoorainwe akafeera omuri butandu bwanyima y’akaire kakye akaruuru kaherize kuteerwa.
#WestUpdates