Gen. Mugabe yaraahizibwa encuro ye yakabiri

Gen. Mugabe yaraahizibwa encuro ye yakabiri 

N’ebya Douglas Mubiru 

Orikukurira akakiiko ka kooti y’ekinyamahe, Brig. Gen. Robert Freeman Mugabe eriizooba yaraahizibwa omu ncuro ye yakabiri.

Okuraahira kwe nikwijaho bwanyima ya wiiki emwe Purezidenti Yoweri Museveni, Ouduumizi mukuru w’amahe g’eihanga kugaruka kumutoorana kukurira kooti y’ekinyamahe ey’eihanga.

Omukoro gw’okuraahizibwa ogu gwakurirwa Col. Richard Tukacungurwa aha kitebe kikuru kya kooti egi omuri Makindye, Kampala ahi abantu 16 abandi baraahizibwe.

Gen. Mugabe yaraaganisa okukuratira amateeka yaaba nakora omurimo ogu. Kandi hoona yagaruka yaasiima Purezidenti Museveni ahabw’kumutamu obwesigye kwebembera akakiiko ka kooti y’ekinyamahe.

Abandi abaraahizibwa harimu Col Joseph Ecelare Okalebo, Lt Col Sam Ntungura, Maj. Angella Catherine Laker, Capt. Nicole Etoru, Capt. Abdu Basajabalaba, WO1 Mark Oyot, na Col Bernard Lumwesighe.

Abandi ni Col Emmanuel David Muhanguzi, Col Bbosa Kalyesubula, Lt Col David Baguma, Maj. Etumidde Obmi, Maj. Cyrian Sande Magezi, Capt. Grace Mbabazi, Capt. Christine Sayuni Nantumbwe, WO1 Robert Nyarare na Col Tukacungurwa.

#WestUpdates