Gavumenti kuhandiika ebitongore byoona omu Uganda

N’ebya Abdulkarim Ssengendo

MBARARA:

Gavumenti kurabira omu kitongore kyaayo ekya Uganda Registration Services Bureau (URSB) neza kutandika kuhandiika ebitongore byoona ebitehandikiise omwihanga.

Puroguraamu egi erikumanywa nka ‘Non-individual Register’ yaayaturwa Arthur Kwesiga- komishona w’ebya karimagyezi hamwe n’okuhangahanga (Commissioner In-charge of ICT and Innovation) omu kitongore kya URSB.

Gavumenti kuhandiika ebitongore byoona omu Uganda...(Photo by Ssengendo Abdulkarim)

Kwesiga yayatura enaama egyi erii zooba obu yaaba nagambira abantu abaruga omu bitongore bitari bimwe na bimwe abayetaba aha mushomo gw’ekiro kimwe ogwakorerwa ahari Las Vegas Hotel omu rurembo rwa Mbarara kubashomesa aha nkora egyi n’okwerayambe ebitongore byabo.

AGavumenti kuhandiika ebitongore byoona omu Uganda...(Photo by Ssengendo Abdulkarim)

Ogu yaagira ngu enkora egi netandika embaririra y’omwaka 2026/2027 erikutandika Okwamushanju.

Gavumenti kuhandiika ebitongore byoona omu Uganda...(Photo by Ssengendo Abdulkarim)

Okurugiirira ahari Komishona Kwesiga, buri kitongore ekirayehandikiise nikiza kuhebwa endaanga bitongore (Entry Registration Number), kandi yarabura ngu ebitongore ebitarayehandikise nibiza kuferwa ebintu byingi omuri okuferwa obuheereza bwa gavumenti.

Gavumenti kuhandiika ebitongore byoona omu Uganda...(Photo by Ssengendo Abdulkarim)

Ambassador Francis Butagira-Board Chairman wa URSB yashaba abanya Uganda kuhagira enkora egi agumize ngu nibeija kuhwerwa kihango n’okutunguura ebitongore byaabo.