Gavumenti ekwatsiibwe 'hectares' 1,000 z'ekibira kya Rwoho

N'ebya Ssengendo Abdulkarim

Gavumenti kurabira omu Ministry of Water and Environment nyomwabazyo akwatsiibwe omu butongore hectares 1000 z’ekibira kya Rwoho Central Forest Reserve omu district ya Rwampara

Harriet Nakamya, RDC wa Rwampara district niwe akuriire omukoro gw’okukwasa omu butongore ekibira eki ogukorirwe omu kyaaro kya Kikunda omugomborora ya Mwizi

RDC wa Rwampara, Harriet Nakamya arikukwatsa abatuura ekicweka ky'ekibira kya Rwoho Central Forest Reserve enshumi nkye ehingwire. PHOTO: SSENGENDO ABDULKARIM

Ekibira kya Rwoho Central Forest Reserve kiine obuhango bwa 9,073 hectares kandi hectares 1000 ezikwatsiibwe gavumenti nezabiire zitahirirwe abatuura kwonka kurabira omu puroguramu ya Climate Resilience Project omwanya ogu gukagaruka gwabyarwamu emito

Omurimo gw’okugaruzaho omwanya ogu gukatandika omwaka 2022 obu gavumenti yatandika kukora purojekiti ya Kabuyanda Irrigation Dam

Arikugambira aha mukoro ogu, RDC Nakamya arabwiire abatuura, abakozi ba NFA n’abandi obutejumbira omu bikorwa by’okugaruka kutahirira ekibira eki agumize ngu naza kubakoma

Stuart Maniraguha-NFA executive director, asiimire abeebembezi ba Rwampara hamwe n’abatuura omu district egyi obutejumba omu bikorwa by’okuremesa purojekiti egi

Kandi hoona we Richard Womugasho Beine, ceyamaani wa disiturikiti ya Rwampara ashabire abantu kukora kyona ekirikubaasika kureeba ngu baarinda gye eby'obuhangwa kwetantara ebihikiirizi

Abataka n’abeebembezi basiimire gavumenti n'ebitongore ebi erikukora nabyo ahabwa purojekiti egyi bagumize ngu neeza kubahwera kihango omuby'entaasya n’okurinda obuhangwa bw'ensi

#WestUpdates