Endiisa nungi y’abeegi omu mashomero – Sheema

Endiisa nungi y’abeegi omu mashomero – Sheema

N’ebya Bruno Mugizi

Orikururira eby'entunguuka omu za bizinesi omu kitongore ky'amaizi ekya National Water and Sewerage Corporation Dr.Nicholas Mwebesa, yatandikaho ehururu y'okushomesa eby’endya nungi omu mashomero.

Ehururu egi yagitongozaho omu mashomero agari omuri Sheema South Sheema n’omu disiturikiti ya Sheema n’ekigyendererwa ky’okubegyesa okubakubaasa kuhinga embooga hamwe n’ebijuma omumashomero gaabo kubaasa kuriisa kurungi abeegi.

Okushomesa abeegi ahby'endya nungi omuri Sheema..(Photo by Bruno Mugizi)

Enteekateeka egi yatongozibwaho omumashomero nka Kashekuro P/S, Kasharazi P/S, Mishenyi P/S, Nyakabungo P/S, Kasaana P/S, Muhito P/S na Kasaana Central, zoona ezirikushangwa omu ishaaza erya Sheema South omu disiturikiti ya Sheema.

Okuhinga embooga z'ekiraguju n'ebijuma omu mashomero..(Photo by Bruno Mugizi)

Ogu yaaba ashendekyerezibwe omuhangu omuby’endya y'abaana, Els De Temermmen.

Okurugiirira ahari Dr.Nicholas Mwebesa, amashomero omuri Sheema South nigetenga kuhinga  ebihingwa ebirikureetera abeegi amagara marungi nk'ebijuma hamwe n'embooga z'ekiraguju ezirabayambe kutunga obwengye hamwe n’okugira amagara marungi.

Abeegi abamwe abashomesibwa eby'endya nungi...(Photo by Bruno Mugizi)

Felix Mujurizi, Mukuru w'ekibiina ekirikugaita abashomesa ekya UNATU omuri Sheema kandi hoona ori Mukuru w’eishomero erya Muhito P/S, naagira ngu n’obu batandikire kuta omunkora okuhinga ebijuma hamwe n’embooga, beitu beine ekizibu kihango ky'okubura amaizi ah’amashomero.

#WestUpdates