Eibura ry’amaizi g’omunshekye omuri Sheema na Bushenyi.
Eng. Sam Kiggundu, manegya w’ekitongore ky’amaizi ahabwa disiturikiti eya Bushenyi empango naagira ngu ekiretsireho eibura ry’amaizi nahabw’ebomba y’okusindika amaizi eyasisikaire ahari Kitagata omu disiturikiti eya Sheema.
Abeegi omuri Sheema barikutaha amaizi. Photo by Bruno Mugizi.
By NewVision Reporter
Journalists @NewVision
N’ebya Bruno Mugizi
BUSHENYI
Za disiturikiti eya Sheema na Bushenyi ziteirwe eibura ry’amaizi g’omunshekye (Piped water) obwa hati haihi okwezi kwona okuhingwireho bwanyima y’okufa kw’ebomba y’okusindika amaizi ahari Kitagata Water Pumping Station.
Ebiro ebi, abatuura b’omu bicweka ebyo nibagyenda engyendo naingwa barikuronda amaizi g’okukoresa emirimo yaabo y’eby’obushuubuzi n’ey’omuka.
Abatuura nibagira ngu obwa hati nibatungwa amaizi agubarikutaha aha mikura naaza nayikondo.
Eng. Sam Kiggundu, manegya w’ekitongore ky’amaizi ahabwa disiturikiti eya Bushenyi empango naagira ngu ekiretsireho eibura ry’amaizi nahabw’ebomba y’okusindika amaizi eyasisikaire ahari Kitagata omu disiturikiti eya Sheema.
Kiggundu naagira ngu bariyo nibakora obutaruha kureeba ngu oburemeezi obwo bwakorwaho omu biro bitari bya hare.
#WestUpdates