Disiturikiti 20 zibarukiremu oburwaire bw’obusheru omu Uganda.

N’ebya Omushaki weitu

KAMPALA

Disiturikiti zirikuhika 20 omu eihanga ryona zibarukiremu oburwaire bw’obusheru (Measles) ahagati y’okwezi kw’okubanza hamwe n’okwa kana omwaka ogu ogwa 2026.

Minisiture y’eby’amagara neyoreka ngu eki n’ekyakabi na munonga ahabw’abaana abatasirikirwe.

Arikugambaho n’abanyamakuru ahari Uganda Media Centre nyomwabazyo ebiro 30.04.2026, Director w'oburebereza bw’eby’amagara, Dr Charles Olaro nagira ngu abantu abarikukwatwa oburwaire bw’obusheru bariyo nibeyongyera omu eihanga.

Dr Olaro nashoborora ngu n’obu Uganda ekoziregye omukusirika endwara kuruga ahari 79% omu mwaka gwa 2016 kuza ahari 90% omu mwaka gwa 2024, beitu Uganda ekiri ahansi munonga omu kutangira endwara ezirikukira kubarukaho.

Disiturikiti ezikirizeyo okuteganisibwa oburwaire bw’obusheru harimu Kagadi, Kiboga, Kyankwanzi, Kazo, Mubende,  Ssembabule, Bulambuli, Kassanda, Amolator, Kibaale, Ntoroko, Karenga, Amuru, Agago, Kaabong, Kotido, Kween, Lira, Kikuube, Gulu na Adjumani.

#WestUpdates