‘Cadre Mucunguzi nayenda kutwibira eitaka’ – efuuzi
Nikigambwa ngu, Mucunguzi, abaire ariyo naaza n’okuteeza ekyapa nikwo, ceyamaani LC 1 owa Nyabirerema, Moses Tumwiine, kumwima sitampu.
Cadre Mucunguzi owaabeireho RDC wa Ntungamo kandi orikugambwa kuba atwaire eitaka ry'efuuzi omuri Sheema. PHOTO: Courtesy
N’ebya Michael Atwakiire, SHEEMA
Rosette Kamukama na Hope Kamukazi, bahara b’omugyenzi George Mwirima, nibeetomboitira owaabeireho RDC wa disiturikiti ya Ntungamo kandi obwa hati omutuura wa Nyabirerema omu Munisiparite ya Sheema orikumanywa nka Cadre Mucunguzi Geoffrey ou barikugira ngu ariyo naababinga omu itaka ryabo, kandi hoona eri yaaherize kubyaramu ebicoori hamwe n’omwani arikugira ngu n’erye.
Nikigambwa ngu, Mucunguzi, abaire ariyo naaza n’okuteeza ekyapa nikwo, ceyamaani LC 1 owa Nyabirerema, Moses Tumwiine, kumwima sitampu.
Okurugiirira ahari Rosette na Hope, eitaka eri rikaba riri erya ishe-bo, ku yaafiire, ababiri aba baikirizana na Cadre Mucunguzi kurimuha ngu abe naariisizamu. Ku baizire nibaza kurikoma n’okutandika kurikozesa, nikwo Cadre Mucunguzi kubagira ngu hatagira owaricwekanisizamu agumize ngu eitaka n’erye.
Tugambireho na Cadre Mucunguzi Geoffrey ahanshonga egi yaagira ngu abarikugamba tarikubamanya; ngu ah’obwe nibo barikwenda kwiba eitaka rye.
#WestUpdates