N’ebya Charles Etukuri

MPIGI- Abantu 3 bafeeriire omuri butandu ebaire ahari Kamengo omu disiturikiti eya Mpigi.

Butandu egi ebaireho omu kiro ekyabusheesha eriizooba Orwakana ebaire erimu emotoka ya Mitsubishi FUSO ehandiikirwe omu namba ya UAL 605U hamwe n’eya UBH 247L ey’ekika kya Subaru Forster.

Micheal Kananura, Omugambirizi wa Pooriisi y’eby’ahanguuto eriizooba yaagira ngu boona abantu bashatu abafiire babaire bari omu motoka ya Subaru kandi omushabaazi wa kana atungire obuhuta nikwo kwirukangizibwa ah’eirwariro erya Double Cure omuri Mpigi kuragurirwa.

Nakyoreka ngu okucondooza okwahikireho nikworeka ngu emotoka ezi zitomeriine zibaire nizitamburura aha mikono etarikushushana.

Kananura naagira ngu emitumbi y’abagyenzi etwirwe omu kabafu ah’eirwariro erya Gomba kukyeberwa obwo okucondooza kumanya ekirugiriireho butandu egi kurikugyenda omu maisho.

Emotoka 2 zitwirwe aha Pooriisi ya Kamengo kukyeberwa kureeba yaaba zibaire ziri omu muringo murungi, okurugiirira ahari Kananura.

#WestUpdates