Ankole Diocese Women Investment Association baabuganaho kuhaana amagyezi g’okwetunguura
...aba nibenda kwongyera kugura ebintu ebirikureeta sente nk’amataka, ebyombeko n’ebindi.
Bamwe ahabakyara ba Ankole Diocese Women Investment Association (ADWIA) bari ahakuhaana amagyezi omu Ruharo, Mbarara City eriizooba ebiro 01.03.2024. PHOTO: Gideon Ssenyomo
By NewVision Reporter
Journalists @NewVision
N’ebya Ssenyomo Gideon
Abebembezi b’abakyara omubureeberezi bwa Ankore eriizooba baateeranira ahakashozi ka Ruharo ahari ekitebe ky’obureeberezi kuhaana obwegye ahabi barikubaasa kukora kwetunguura.
Aba beegaitiire omukibiina ekya Ankole Diocese Women Investment Association (ADWIA) ekiri kwebemberwa muk’omureeberezi wa Ankore, Dr. Alice Mwesigwa.
Biishopu Sheldon Mwesigwa owaaba ari omukubugana oku yasiima Dr Alice Mwesigwa ahabw’okureebera hare hamwe n’okubaasisa abakyara okutunguuka agumize ngu na Gavumenti ya Uganda yaaza kuhwera abantu nekunda kugyenderera abo abeeteeraine omubibiina.
Dr. Alice Mwesigwa arikugamba n'abakyara ba ADWIA omu Ruharo eriizooba ebiro 01.03.2024
Ekibiina eki obwa hati kiine ba memba 412 kandi, okurugiirira ahari Dr. Alice, aba nibenda kwongyera kugura ebintu ebirikureeta sente nk’amataka, ebyombeko n’ebindi bingi.
#WestUpdates