Abeebembezi b’amadiini batendekirwe ahankora ya 4-acre model omuri Bunyoro.

N’ebya Thomas Tumwebaze

KIBAALE

Abeebembezi b’amadiini okuruga omuri za disiturikiti eza Bunyoro eyamashuuma batendekirwe ahankora ya Purezidenti eya 4-acre model ei arikwenda buri munya-Uganda ayejumbiremu.

Abeebembezi b’amadiini nibaruga omuri za disiturikiti ezirimu; Kagadi, Kibaale, Kakumiro, Kikuube na Kyenjojo kandi batendekirwe aha miringo ei barikubaasa kukoresa eitaka ryaabo ei baine okurwanisa obworo.

Okutendeka abeebembezi aba kubaire ahari Buseesa Presidential Demonstration Farm omu disiturikiti eya Kibaale kandi kugyendereire okuhika buri muntu okurabira omu nyikiriza zaabo.

Abeebembezi b’amadiini batendekirwe ahakuriisa ente z’amate, empunu, enkoko, eby’enyanja, Hass Ovacado n’ebindi bingi.

Dr. Richard Lubega, Mukama wa Buseesa Presidential Demonstration Farm kandi obaire ayebembiiremu okutendeka oku nagira ngu eki nibakikora ahabw’okwenda kuhisya buri muntu obuheereza bw’empinga nungi batabandize kutamu esente nyingi.

Abeebembezi b’amadiini batendekirwe ahankora ya 4-acre model omuri Bunyoro.

Omu kugambaho n’abanyamakuru, abeebembezi b’amadiini abamwe bagizire ngu batwire baine eiriho ry’okwenda ahankora ya 4-acre model nk’oku omuranga gwa gavumenti guri.

Nibongyeraho ngu ebibeegire nibeija okubahwera okwetunguura.

Buseesa Presidential Demonstration Farm ekatongozebwaho mukuru w’eihanga, Yoweri Kaguta Museveni okuba omwanya ogu abahingi kuruga omu kya Bunyoro eyamashuuma barikubaasa kwegyeraho kandi bakata omu nkora obuhabuzi bwona kubaasa kurwanisa obworo omu maka gaabo.

#WestUpdates