Abazaire, Sheema, baashabwa okureka kukabukira abaana baabo

N’ebya Michael Atwakiire

Abazaire omudisiturikiti ya Sheema baashabwa okurekyer’aho okukanga abaana baabo bakabatwariza nk’ebicuncu ngu ahabw’okuba nibabareetera baahahaara emitima. 

Ebi byagambwa Biishopu Masereka Moses eriizooba ahari Kanyinasheema Minisitries International erikushangwa omuri Kagango divijooni Sheema munisiparite ahamukoro gw’okushabira abeegi abariyo nibagaruka ahamashomero kushoma taamu ya kabiri. 

Abeegi abarikurenga omuri 300 bashagateirwe abazaire baabo nibo baashabirwa batyo nikwo kuhigwa okuta omutima ahakushoma kandi bakaruga omumiyaga y’ensi. 

Hamilo Ssemugenyi orikwebembera aba Kanyinasheema International yaahabura abeegi ngu obwegyese nibwo barikubaasa kushutamisa omwana w’omworo aharubaju rw’omugaiga ngu n’ahabw’ekyo bakuteho omutima. 

#WestUpdates 
#RadioWestAt25