Abazaire nibashabwa kushabira aba P.7 baaba nibakora PLE.
Abeegi barikuhika 90 b’eishomero erya Parental Care Nursery and Primary School, nibo bayehandikiise kushutamira ebigyezo bya P.7 eby’omwaka ogu.
Abeegi b'eishomero erya Parental Care Nursery and Primary School, Bushenyi aha mukoro gw'okubashabira omu kweteebekanisiza ebibuuzo bya PLE ahabw'omwaka ogu. Photos by Bruno Mugizi.
N’ebya Bruno Mugizi.
Bushenyi.
Obwo abeegi b'ekibiina kya 7 barikweteebekanisa okushutamira ebibuuzo byabo by'aha muheru, abazaire nibashabwa kuhayo abaana baabo ahari Ruhanga ekirababaasise kukora gye ebibuuzo byabo.
Ebi bigambirwe Rev.Can. John Makuru, Saabadikoni wa Kyeizooba Archdeaconry obu abaire nashabira abeegi ba P.7 ab’eishomero erya Parental care Nursery and Primary School Bushenyi aha mukoro ogubaire ah’eishomero eri omu tauni ya Bushenyi aha Sande ebiro 22/10/2023.
Rev. Can. John Makuru, Saabadikoni wa Kyeizooba Archdeaconry aha mukoro gw'okushabira abeegi ba P.7 ab'eishomero erya Parental Care Nursery and Primary School, Bushenyi aha Sande ebiro 22/10/2023.
Rev. Can. Makuru naagira ngu eshaara n'ekintu kikuru munonga nikwo kuhiga abazaire okuguma nibashabira abaana baabo obutoosha.
Nshemereirwe Elvaidah, Dayirekita w’eishomero eri, ashabire abazaire okuheereza abeegi ebibarikwetenga baaba nibakora ebibuuzo ebi Kwenda kwerinda okuteganisibwa.
Abeegi barikuhika 90 b’eishomero eri nibo bayehandikiise kushutamira ebigyezo bya P.7 eby’omwaka ogu.
Abeegi ba Parental Care Nursery and Primary School, Bushenyi.
#WestUpdates