Abashweriine babiri abaarisize omwishiki obubi bw’abantu, kooti ebahaire ekifubiro.

N’ebya Omushaki weitu

LIRA

Kooti enkuru omuri Lira esindikire abashwereine babiri omu kihome ahabw’okugyema omwishiki w’emyaka 15 okurya obubi bw’abantu, ekikorwa eki kooti eyetsire eky’obwinazi.

Omuramuzi Joe Fay Adoko asindikire omu kihome Walter Otim ow’emyaka 42 n’omukazi we Collin Otim, ahabw’ekikorwa eki ekibaakoreire omuka yaabo omu kyaro ekya Ireda Lumumba omu rurembo rwa Lira.

Kooti ehuriire ngu aha biro 29.07.2025, omwishiki ogu akaba ari omu saloon arikukora eishokye, nikwo kubuuza ahi ebihoronio byabaire biri, kuyaagiireyo, nikwo ababiri aba okumukwatirayo bakamuriisa obubi bw’abantu barikumutura okukoresa ekihoronio kyabo.

Aba bakabanza bamutiinisa ngu nibaza kumwita yaaba atariire obubi bw’abantu kandi nawe ahabw’obwoba, akagondera ekiragiro kyabo yaburya.

Omu ncwamu y’omuramuzi, agizire ngu eki n’ekikorwa ky’obwinazi kandi tikirimu buntu bwona nikwo kucwera Walter Otim okukomwa emyaka 10 omu kihome kandi omukazi we Collin Otim naija kukomwa emyaka 3.

#WestUpdates