Abainazi baitsire enkoko 700. Bazihaire obutwa bayosya ebiju - Kyegegwa

N'ebya Philip Murangira

Abatuura b'omukyaro kya Kacwampare omumuruka gwa Rucwamiigo omugombora ya Hapuuyo omu disituriki ya Kyegegwa baagwerwa akagwe bwanyima y'abainazi kutaahirira ebiju by'enkoko by'omutuura mutaahi waabo Muhammad Tumwebaze bakabihembaho omuriro reero enkoko 400 zikahendera zifiire.

Muhammad Tumwebaze naagira ngu abainazi bamutaahiriire shaaha 8 z’ekiro kandi bakoresa amajuta ga peterooli okwosya ebiju by'enkoko ze.

Muhammad naagira ngu okwezi okuhweire abainazi bakabanza baatega enkoko ze obutwa 300 zaafa kandi wiiki 2 ezihigwire nabwo abashuma bakamwibira enkoko 200.

Muhammad ou abainazi bookiize enkoko omuri Kyegegwa. PHOTO: Philip Murangira

Omukozi ahamwanya ogu, Ariganyira, naagira ngu baaferwa kihango n'kabatuura ba Kacwampare ngu ahabw’okuba Muhammad atwire nashomesa abantu ahabikwatiraine n'okuriisa enkoko kandi  nashaba gavumenti kumuhwera.

Gideon Byaboona, mukuru w'entebe ya kashatu ahabw'egomborora ya Hapuuyo yaagira ngu bariyo nibaza kukoresa omukono gw'ekyoma okumaraho ebikorwa nk’ebi kandi abatuura baahigwa okwongyera oburinzi ahabintu byabo.

Ogu, enkoko, abaire naziguza ahagati ya shiringi 30,000 na 40,000

#WestUpdates