4 basindikirwe aha rumanda ahabw’okushangwa nibaguza emibazi betaine License.

N’ebya Omushaki weitu

SOROTI

Kooti omuri Soroti esindikire aha rumanda abantu 4 kuhisya ebiro 31/11/2023 bwanyima y’okuteebwaho emishango etari emwe.

Abasindikirwe aharumanda barimu; Akabwai Ben, otwire nakora nka manegya w’eduuka ry’emibazi erya Acila drug shop, Opejo Joshua, Opolot Harriet na Amugwa Patrick. 

Kooti eyebembiirwe omuramuzi w’eidaara ry’okubanza aha kooti ya Soroti, Kibirige Apolo Kasujja ehuriire ngu aha biro 13/10/2023 omu muhiigo gw’ekitongore ky’emibazi omu eihanga ekya NDA, bashangire abantu 4 aba barikukora omu maduuka g’emibazi betaine layisensi, okuguza emibazi ya gavumenti hamwe n’okukoresa abantu abatatendekirwe.

Aba bwanyima y’okushomerwa emishango bagyehakana, nikwo kusindikwa aha rumanda kuhisya ebiro 31/11/2023.

Omu kooti niyo emwe, kooti eyaaba eyebembiirwe omuramuzi Tumuhimbise Nause, abantu 3 basindikwa aharumanda kuhisya 01/11/2023.

Kooti ehuriire ngu aha biro nibyo bimwe, aba bashangirwe nibaguza omubazi ogurikuteekateekwa kuba guri ogw’okuragurira ente.

Aba n’abandi abakiburize amaisho bateebwaho omushango kandi basindikirwe aha rumanda kuhisya ebiro 01/11/2023.

#WestUpdates