IMMACULATE Nakabugo Nnalongo bamugobezza abalongo ku ssomero lya Seroma High School Mukono oluvannyuma lw’okubeera nga tasasudde ssente kuzimalayo nga atwala abaana be okutandika okusomera ku ssomero lino.  Immaculate yategezezza nti yabadde yakamala okugula ebyetaago nga byamumazeeko obukadde 2 byonna okubimaliriza ne ssente za fiizi ezirina okusasulwa buli mwana akakadde kamu n’ekitundu yabadde asasuddeko ekitundu kyazo kya 595,000/- nga ogyeko ez'okuweebwa ekifo 150,000/= buli mwana zalina okuwa nga n’eza yunifomu ziwedde .

Wabula olunaku lw’okuzaayo abaana ku Lw’okutaano nga 14 Immaculate yagambye nti  bamugobedde  ku mulyango gw’essomero ekyamukubye ewala nga  ate asasanyizza ssente nyingi zebamutegezezza nti tasobola kuziddizibwa.

Amelia Kyambadde akulira essomero lya Seroma High School yagambye nti omwana abeera yakatandiika alina okusasula akakadde kamu n’ekitundu naye omukyala yasasulako 595,000/= nga zino ssente ntono kuzalina okusasula nga tebasobola kukkiriza baana kuyingira kusoma.

Ono yagambye nti singa omuzadde  yabadde asasudde ebyetaago nga otaddeko n’emitwaalo 600,000/= buli mwana ez’ebisale by’essomero awo omwana abeera asobola okutandiika okusoma