Abantu barikurenga omuri 100 baitsirwe endwara y’esheshe n'eya Dengue- Sudan.

SUDAN, 

Okubarukaho kw’endwara y’esheshe hamwe n’endwara erikureetwa ensiri ‘dengue fever’ kusigire abantu barikurenga omuri 100 baitsirwe kuruga okwezi kwa 8, Okurugiirira ahari Minisiture y’eby’amagara.

Abantu 1,049 nibo bakwatsirwe endwara y’esheshe, 73 ahari aba bafiire omu rurembo orwa Khartoum, Okurugiirira ahari Minisiture.

Orurembo orwa Khartoum ni rumwe aha mwanya etwiremu okurwana ahagati y’aba genero abaine obuteikirizana omu eihanga eryo kuruga okwezi kwa 4.

Enkuyanja y’abantu kuruga omu Khartoum bahungire omu byanga ebirimu; Gedaref and Al-Jazira, ahabw’okurwana okwo.

Ebyanga 9 by’omu eihanga erya Sudan bibarukiremu endwara erikureetwa ensiri eya ‘dengue’ kandi abantu 49 aha bantu 3, 316 abakwatsirwe endwara egi nibo baitsirwe, Okurugiirira ahari minisiture.

Omu kyanga ekya Gedaref ekirikwatana na Ethiopia kitungiremu abantu 2, 152 kandi 33 ahari aba nibo bafiire.

Rupoota ya Minisiture y’eby’amagara neegira ngu obucweka 70 ahari 100 bw’amarwariro agari omu eihanga erya Sudan tigarikukora.

#WestUpdates