Pulezidenti Museveni agambye abantu be Kazo nti Gv't ya NRM kyeyasooka okukolwa kwekuleeta emirembe mu maka, okuggyawo entalao z'amawanga, amaddiini ssaako n'okuzimba amagye

Abadde OC, we Ntaawo Mukono, ASP Emmanuel Bagenda, aziikiddwa ku Kiggya ky'aba Jjajjaabe ku kyalo Kyomya, ekisangibwa mu Muluka gw'e Budondo mu Northern Division,  mu kibuga Jinja (Jinja City) wakati mu kusaba abaamusse bakwattibwe.

Afande Nalweyiso ng'asoma obubaka bwa Pulezidenti Museveni

Aduumira poliisi ye Mukono, Bernard Mugerwa, Era nga y'asomye obubaka bw'okubagiza okuva eri Omuduumizi wa Poliisi, Abas Byakagaba aweze bwe bagenda okukola buli ekisoboka bakwate abaabadde emabega w'ettemu lino. Ono era annyonnyodde ebyaliwo ng'omugenzi attibwa.
Gen. Proscovia Nalweyiso, era nga y'akiikiridde Pulezidenti Yoweri Museveni, ayogedde ku mugenzi ng'omuntu abadde omwetowaze Era ayagala ennyo ensi ye.

Abasirikale nga bali ne Taata womugenzi

Ategeezezza nti ne ppiki kwe baamuttira, ye yali yakagimugulira ebayambeko mu by'entambula kubanga yali yamutuukirira dda ku bwetaavu bwe baalina nga Poliisi y'e Ntaawo.
Ono era yeeyamye okuyambako ku bamulekwa.
Omugenzi alese abaana basatu mu bakazi basatu wabula ng'omu ku bo abadde ttu lya Mugema.Bamukubidde amasasi ng'aziikibwa mu ngeri y'okumusiibula