Omushaija n’omukazi we bakwatwa ahabw’okutuntuuza omwana waabo w’emyaka 2
Pooriisi omu disiturikiti ya Sheema yakwata omukazi n’omushaija ahabw’okutuntuza omwana waabo ow'emyaka 2.
Martial Tumusiime, Omugambirizi wa pooriisi eya Bushenyi empango yahamya amakuru aga..(Photo by Bruno Mugizi)
Omushaija n’omukazi we bakwatwa ahabw’okutuntuuza omwana waabo w’emyaka 2
N’ebya Bruno Mugezi
Pooriisi omu disiturikiti ya Sheema yakwata omukazi n’omushaija ahabw’okutuntuza omwana waabo ow'emyaka 2.
Abakwatwa ni Ninsiima Kennedy, 25, omuvugi wa boda boda hamwe na Kyarisiima Modensi mukeishe w'omwana, 27, boona abatuura b'omukyaro kya Irashagye omuruka gwa Nyakarama omugomborora ya Rugarama omu disiturikiti ya Sheema.
Tokamanya Denis ow'emyaka 2 ou babaire nibatuntuuza..(Photo by Bruno Mugizi)
Ababiri aba nibagambwa kuba babaire nibatuntuza mutabani waabo Tokamanya Denis ou nyina yatsigireho bwanyima y’okugira obuteikirizana n’eishe omwana ogu.
Omugambirizi wa pooriisi eya Bushenyi empango, Martial Tumusiime yahamya amakuru aga kandi yaagira ngu aba barindiirwe aha pooriisi ya Sheema kandi n’ab’obukweija kutwarwa omukooti bajunaanwe.
Omwana ogu obwahati ariyo najanjaabirwa ah'eirwariro erya Kabwohe HCIV.
#WestUpdates