Omuyambi wa Salim Saleh asimbiddwa mu kkootoi y'Amagye

Feb 22, 2021

OMUYAMBI wa Gen Salim Saleh akulira ekitongole kya Operation Wealth Creation asimbiddwa mu kkooti y’amagye navunaanibwa okwenyigira mu kuseketerera Gavumenti.Simon Kakaire 37 asimbiddwa mu kkooti y’amagye e Makindye n'avunaanibwa okwenyigira mu kuseketerera gavumenti n’ekigenderwa ky’okigivuunika.Ono avunaaniddwa n’abalala musanvu okuli abajaasi abaawummula; Sgt Aramathan Mabanda 46 nga kati akolera mu kkampuni ya Saracen omutuuze we Garuga Entebbe , Rtd Cpl Frank Twahirirwa 47 eyali omujaasi mu militare poliisi , ne Rtd Capt Naboth Turyabeebwa 50 naye yali wa militare poliisi nga mutuuze w’e Bweyogerere mu Wakiso.Abalala abavunaaniddwa kuliko omukyala Pauline Kabengano 33 omutuuze w’e Lungujja Kitunzi mu munispaali y’e Lubaga, ssaako Wilson Asiimwe 46 omugoba wa boda boda ng’abeera Nakulabye ne Rashid Kiswiiri 59 omusomesa ng’asula mu Lubiri mu munipaali y‘e Lubaga.Ssentebe wa kkooti Lt Gen Andrew Gutti abasomedde omusango era bonna ne bagaana okubaako kyebamanyi mu musango ogwo.Babadde bawolerezebwa Maj Kamanda Mutungi. Oludda oluwaabi lulumiriza nti bano wakati wa July 2020 ne January 7, 2021 mu bitundu by’ekibuga ekikulu eky’eggwanga Kampala baamanya olukwe lw’okuggyako n’ovunika gavumenti ya Pulezidenti Museveni kyokka nebatabuulira bakulu abavunaanyizibwa.Gutti alagidde batwalibwe mu kkomera e Kitalya okutuusa nga March 9, 2021 ate omukazi yalagidde atwalibwe e Kigo Ng’okunonyereza bwekugenda mu maaso

Omuyambi wa Salim Saleh asimbiddwa mu kkootoi y'Amagye

NewVision Reporter
Journalist @NewVision
OMUYAMBI wa Gen Salim Saleh akulira ekitongole kya Operation Wealth Creation asimbiddwa mu kkooti y’amagye navunaanibwa okwenyigira mu kuseketerera Gavumenti.
Simon Kakaire 37 asimbiddwa mu kkooti y’amagye e Makindye n'avunaanibwa okwenyigira mu kuseketerera gavumenti n’ekigenderwa ky’okigivuunika.
Ono avunaaniddwa n’abalala musanvu okuli abajaasi abaawummula; Sgt Aramathan Mabanda 46 nga kati akolera mu kkampuni ya Saracen omutuuze we Garuga Entebbe , Rtd Cpl Frank Twahirirwa 47 eyali omujaasi mu militare poliisi , ne Rtd Capt Naboth Turyabeebwa 50 naye yali wa militare poliisi nga mutuuze w’e Bweyogerere mu Wakiso.
Abalala abavunaaniddwa kuliko omukyala Pauline Kabengano 33 omutuuze w’e Lungujja Kitunzi mu munispaali y’e Lubaga, ssaako Wilson Asiimwe 46 omugoba wa boda boda ng’abeera Nakulabye ne Rashid Kiswiiri 59 omusomesa ng’asula mu Lubiri mu munipaali y‘e Lubaga.
Ssentebe wa kkooti Lt Gen Andrew Gutti abasomedde omusango era bonna ne bagaana okubaako kyebamanyi mu musango ogwo.Babadde bawolerezebwa Maj Kamanda Mutungi.
 
Oludda oluwaabi lulumiriza nti bano wakati wa July 2020 ne January 7, 2021 mu bitundu by’ekibuga ekikulu eky’eggwanga Kampala baamanya olukwe lw’okuggyako n’ovunika gavumenti ya Pulezidenti Museveni kyokka nebatabuulira bakulu abavunaanyizibwa.
Gutti alagidde batwalibwe mu kkomera e Kitalya okutuusa nga March 9, 2021 ate omukazi yalagidde atwalibwe e Kigo Ng’okunonyereza bwekugenda mu maaso

Comments

No Comment


(adsbygoogle = window.adsbygoogle || []).push({});