Mbarara tekaaba City – Kahinda

Abdulkarim Ssengendo

MINISITA wa gavumenti z'ebyanga Gen.Kahinda Otafiire ayatwiire enaama ngu Mbarara municipality hakiine ebintu bingi ebi ekirikubura kuhikiriza yaaza kuba City. Eki agizire ngu nikyo ekikyereriize Mbarara kutuunga City.

Agizire ngu Mbarara terikuhisya bwingi bw'abantu abarikwetagisa etauni kuhebwa City. Kahinda agizire nguna Bushenyi/Ishaka T/C tiziine bantu barikuhika kuhebwa Municipality. Ebi Kahinda abigambiire Bushenyi wiki ehweire.

Enyimaho Meeya wa Mbarara Wilson Tumwine agambiire ku Mbarara Munisiparite neeza kuhebwa City okwezi kwa Ikumu omwaka oguhwiire kwonka Abanya Mbarara barinzire nahati Minisita wa amatauni Urban Tibamanya orugire kuganiiraho n'omushaki w'orumuri, agizire ngu etauni okuhebwa City netekwa kuba eine abantu barikuhika emitwaro 50 abu Mbarara etiine.

Tibamanya agizire ngu enyimaho etauni okuhebwa City ekaba etekwa kuba eine abantu barikuhika 1,000,000 kandi na hati nigwo mutindo gw’ensi yoona.

Mbarara Municipality ekiine ebintu bingi waaza kureeba eine ebyombeko birikushusha kubi aha gati y’etauni nka ebiri aha high Street.